Bisbarra, Cultura
Ubaldo Cerqueiro - 19 Decembro 2011 - 16:30 | 8 Comentarios

QPC e outros medios do país presentan a campaña “Vitaminas para o Galego”


Ubaldo Cequeiro de QPC e Filipe Diez de Praza presentando en Arzúa a Campaña Vitaminas para o galego


Logo da Campaña Vitaminas para o galego

Varios medios de comunicación de Galicia, entre os que se atopa o diario dixital da Costa da Morte Quepasanacosta, vimos de presentar na Feira Terr@ctiva de Arzúa a Campaña “Vitaminas para o Galego”. Polo de pronto son outros 9 medios os implicados pero de seguro que durante as vindeiras datas son máis os medios que se unen.
Galicia Confidencial, Tempos Novos, Radiofusión, Praza Pública, Novas da Galiza, Val Miñor.info e Quepasanacosta, son os medios organizadores da campaña, na que tamén colaboran os medios comarcais Certo xornal dixital de Barbanza e Noia, Osil.info de Valdeorras e Crónica3 da Mariña Lucense impulsan esta campaña.

“Vitaminas para o Galego” é unha nova iniciativa, como dicimos, dos medios de comunicación en lingua galega, que pretende reivindicar a necesidade de medios na nosa lingua, visibilizar o noso traballo, e servir de autofinanciamento para todas as pequenas empresas que formamos o medios, ca clara intención de loitar pola supervivencia dos medios na lingua do país, así como impulsar o nacemento de novas cabeceiras.

É esta a primeira vez que se xuntan estes medios para comezar unha campaña que durará, cando menos ata as Letras Galegas, que incluirá unha axenda de eventos lúdicos (concertos, relatorios, etc.), así como asociacións e colectivos sociais comprometidos coa terra.
A campaña botaba a andar esta fin de semana cunha presentación pública na feira Terr@ctiva en Arzúa, na que houbo máis participación costeira como a da Cooperativa de Agricultura Raíña Lupa de Quilmas e a Asociación Monte Pindo Parque Natural. A feira demostrou que hai calidade, arte e compromiso no país, e ademais dos stands non faltaron actuacións como a dos 7 magníficos + 1 que fixeron rir a todos os asistentes.

Os 7 magníficos + 1 ponendo multaron o stand de Vitaminasparaogalego por non cumpliar a lei de trilinguismo

“O galego precisan vitaminas”

“O idioma galego precisa de axudas, de vitaminas” afirmaron o sábado en Arzúa na presentación os promotores da campaña “Vitaminas para o galego”. Indicaron que “se se quere garantir a transmisión interxeracional da lingua, é necesario contar con medios de comunicación que empreguen o idioma propio, para difundilo, prestixialo e convertilo en lingua de uso tamén nos núcleos urbanos”.

Pedro Telmo (Director de valmiñor.info) salientou que “existe público e demanda de información local en galego” para xustificar a súa participación nesta iniciativa.
Marcos Pérez (Praza Pública, medio a nivel galego aínda en fase de creación) incidiu na necesidade de buscar alternativas de financiamento para este tipo de medios e destacou “a importancia da implicación da cidadanía para a súa vitalidade”.
Henrique Sanfiz (Radiofusión) sinalou que “a cultura non debe ser un fin en sí mesmo e pescudamos unha cultura vocacionada para a felicidade, unha cultura e unha lingua que sirva para explicar o mundo que vivimos e dar sentido á nosa existencia”.

Pedro Telmo de Valmiñor, Marcos Pérez de Praza, e Henrique Sanfiz de Radiofusion en Arzúa

Os xornalistas suliñaron a importancia da cultura e da lingua galega “como áncoras que nos enlazan co territorio máis próximo, sen que iso limite a realización de viaxes por outras culturas e outros eidos do coñecemento”.

Máis información

Novas relacionadas

Fonte

  • Redacción de QPC (info@quepasanacosta.com).

Etiquetas: , , , , , , , ,

8 Comentarios

  1. [...] de comunicación que empreguen o idioma noso en contextos urbanos. Ese é o obxectivo da campaña Vitaminas para o galego promovida por dez medios de comunicación en lingua galega, a maior parte deles dixitais, Galicia [...]

    Pingback por Brétemas » Onte 102: Vitaminas para o galego — 19 Decembro 2011 @ 08:22

  2. [...] Quepasanacosta.com window.___gcfg = {lang: 'pt-BR'}; (function() { var po = document.createElement('script'); [...]

    Pingback por SNL do Concello de Zas » Que pasa na costa e outros medios presentan a campaña Vitaminas para o galego — 19 Decembro 2011 @ 09:38

  3. [...] Galicia Confidencial, Novas da Galiza, Praza pública, Radiofusión, Tempos Novos, Certo.gl, Quepasanacosta, O Sil, Valminor.info e Crónica3 participan neste proxecto que quere concienciar a sociedade da [...]

    Pingback por Dez medios únense para concienciar da importancia da comunicación en galego | ::Axenda cultural AELG:: — 20 Decembro 2011 @ 11:16

  4. [...] QPC e outros medios do país presentan a campaña “Vitaminas para o Galego”. [...]

    Pingback por Un derroche de arte poético na vila da poesía — 20 Decembro 2011 @ 16:38

  5. [...] é a campaña “Vitaminas para o galego”, presentada por 10 medios do país, a semana pasada e… a que busca o compromiso dos lectores, o compromiso da cidadanía, para asegurar a súa [...]

    Pingback por Convírtete nun mecenas dos medios en galego — 22 Decembro 2011 @ 13:14

  6. [...] QPC e outros medios do país presentan a campaña “Vitaminas para o Galego” http://www.quepasanacosta.com/?p=11746  por lunet hai 2 segundos [...]

    Pingback por QPC e outros medios do país presentan a campaña “Vitaminas para o Galego” — 23 Decembro 2011 @ 05:11

  7. [...] QPC e outros medios do país presentan a campaña “Vitaminas para o Galego”. [...]

    Pingback por A campaña a prol dos medios en galego supera as expectativas de recadación e amplia cabeceiras — 11 Xaneiro 2012 @ 11:31

  8. [...] 19-12-11: QPC e outros medios do país presentan a campaña “Vitaminas para o Galego”. [...]

    Pingback por Nace a Asociación de Medios en Galego coa presencia de QPC — 5 Febreiro 2013 @ 09:05

Canal RSS dos comentarios da entrada.

Este formulario de comentarios está pechado neste momento.