Unha embarcación de pesca artesanal de Fisterra coas pancartas reivindicativas polos TACs

Continúan os malos tempos, en terra, pero tamen na mar. Xa en marzo, alertaban da complicada tesitura económica do sector, e hoxe a Asoar Armega volve denunciar “a difícil situación que está a atravesar a pesca artesanal galega derivada dos acatamentos de TACs”, unha denuncia que veñen realizando dende abril con pancartas reivindicativas en boa parte das embarcacións do país.

A Asoar denuncia que onte “recibíase o comunicado do peche da pesquería da merluza para este terceiro trimestre na modalidade de artes menores, e temos constancia de que existen outras que están a piques de esgotarse. Así constátase unha vez máis, a situación pola que pasan estes pescadores, que cada vez se ven máis limitados na súa actividade pesqueira, ben pola merma das capturas, como é o caso do polbo, ou polo peche continuo de pesquerías cruciais como a pescada, o xurelo ou a xarda“.

Denuncian así que estas medidas “levan a este sector a unha situación económica inviable, con verdadeiros problemas para soster as súas empresas”.
Consideran que “o reparto de stocks de especie que se ten realizado non é acorde coas necesidades reais das pesquerías nin das flotas”. Asemade “tampouco existe unha planificación eficiente que permita solventar estes problemas, así podemos poñer como exemplo a xarda que, cando chega as costas galegas a pesquería encóntrase a piques de pecharse”.

Carta ao Ministerio

Dende a Entidade enviouse, esta mesma semana, unha petición ao Ministerio e outra a Consellería do Mar sobre a necesidade de realizar un reparto do TAC da xarda por Comunidades Autónomas e non por caladoiro como se ten feito. A razón desta petición é que, dende que saíra publicada a normativa de reparto de TAC da xarda (mediante Orde ARM/271/2010, de 10 de febreiro) a flota artesanal galega encóntrase en clara desventaxa, ao respecto de outras flotas doutras Comunidades Autónomas que faenan no Caladoiro Cantábrico-Noroeste (zona CIEM VIIIc) e con graves problemas polo peche prematuro da pesquería.

Novas relacionadas

• A crise na pesca de baixura: Máis gastos e menos ingresos.
• A baixura esixe un cambio nos TACs.
• Un plan, dende a Costa da Morte, para recuperar a pesca artesanal en Europa.
• A pesca artesanal esixe un réxime propio na Política Pesqueira Común.

Máis novas

• Limpando os grans de area.
• Europa responde antes a Asoar que a Xunta e o Ministerio.
• Greenpeace e ASOAR comprometen en Corcubión aos políticos coa pesca artesanal.
• Coa vida non mar non pode haber recortes.

Fonte

• Redacción de QPC (info@quepasanacosta.com).
• Asoar Armega.

Etiquetas: asoar, asoar armega, baixura, costa da morte, crise, crisis, cupo, dinamarca, europa, europeo, galicia, greenpeace, ministra, ong, parlamento, pcc, pesca, pesca artesanal, politica pesqueira comun, tacs

Este artigo foi publicado o 19 Setembro 2012 as 06:47 e foi arquivado en Bisbarra. Pode seguir as respostas a este artigo a traves deste canal RSS 2.0 . Comentarios e pings estan pechados.