O Mazaricos celebra o ascenso - Foto: Estéfano

Nova xornada completa de fútbol costeiro. Pero antes de ir co repaso apuntamos unha cita importante:

Reunión en Baio

O fútbol costeiro que ten este luns 14 de marzo unha cita importante no ás 20:30h no Pavillón de Baio. Os clubes serán informados polos membros da Asociación de Clubes da Costa sobre a elección dun representate do noso fútbol por parte da nova Federación Galega para a directiva comandada por García Liñares.

Como xa vimos avisando, trátase dun momento crucial para o fútbol costeiro xa que por primeira vez parece que pintamos algo na federación. Agora é o noso turno de que as nosas diferencias sexan limadas e que deamos unha visión de unidade para que nos teñan en conta, como parece que van facer.

A crónica da semana

O Soneira gañaba con contundencia a todo un Campus Stelae e puido celebrar a homenaxe que o Concello vimiancés rendiulle onte a Miguel.
A xornada na 1ª deixou ao Cee sen o liderato trala derrota en Lamela. Agora, os de Pato comparten o 3º posto de ascenso con Xallas e Dumbría, os 3 empatados a 50 puntos. Por diante, un só punto arriba, están Sada e Unión, polo que os 3 equipos seguen dándonos razóns para soñar cun triple ascenso.

O Ponteceso acariña o título

A xornada da Liga da Costa chegou chea de empates. O Ponteceso segue sumando con comodidade e alonxa a un Camariñas que non pasou do empate ante o Dumbría B. Por detrás o Sofán tampouco pasaba do empate en Carnota, e o mesmo lle ocorreu ao Muros en Baio.

A tensión mantense por abaixo. O Porteño deu sinais de vida, gañou en Verdillo e a un tempo, alonxa ao Carnota e mantén a 6 puntos a Corme e Baio, e a 7 a Buño e O Pindo, que aínda non se poden despistar. A Esteirana si parece que se pode relaxar tras vencer a un Fisterra que xa se deixa levar.

O ascenso á Liga da Costa na man

Falta 3 xornada da 3ª da Costa e Mazaricos e Nantón xa puideron celebrar matematicamente o ascenso. E o Corcubión está a piques de facelo, pois trala derrota do Coristanco en Mazaricos, quedan a 6 puntos dos corcubioneses que ademais xa teñen o golaveraga xeral a favor trala gorda goleada ao Xaviña.

Copa Xuvenil tensa

Soneira - Muros da Copa Xuvenil

E continúa a Copa da Costa Xuvenil cuns Oitavos moi igualados. E con tensión, xa que houbo moitos expulsados. Xa poden ollar as crónicas da interesante rolda.

Preferente, xornada 31

1ª Autonómica, xornada 27

2ª Autonómica, xornada 27

3ª Autonómica, xornada 27

Liga Nacional Xuvenil, xornada 25

Copa da Costa Xuvenil, Ida dos Oitavos

Liga Galega Cadete, xornada 24

Segunda Cadete

Segunda Infantil, xoranda 19

Ligas de Veteranos, xornadas 24

1ª División

2ª División

Máis información

• Resultados e clasificacións 2010/2011.
• Cadro da Copa da Costa Xuvenil 2011.
• www.facebook.com/quepasanacosta.

Artigos relacionados

• Crónica de Guillermo Parga da Liga da Costa : Liga escocesa?.
• Crónica de Guillermo Parga sobre a situación do fútbol da Costa: Titanic.
• Artigo de Pablo Mouro: Adestrar mal, lesión segura.
• Crónica de Manuel Varela: Exercicio de democracia.
• Crónica de Alberto Pose: Momento para a asociación de clubs da Costa.

Novas relacionadas

• Copa Xuvenil: Os oitavos comezan coas espadas por todo o alto.
• Video entrevista de Ángel Garrido con Dani García, capitán da UD Cerqueda.
• Completísima entrevista de Pablo Mouro ao adestrador do Xallas Iván Cancela.
• Embargo á SD Esteirana mentres García Liñares toma o relevo na Federación co apoio costeiro.

Máis novas

• Da incidencia do Facebook no Fútbol da Costa.
• Os segredos máis íntimos dos xogadores do Camariñas.
• As outras pelotas dos xogadores do Camariñas.
• O San Lorenzo quita a roupa.

Fonte

• Redacción de Deportes de QPC (deportes@quepasanacosta.com).

Este artigo foi publicado o 13 Marzo 2011 as 20:45 e foi arquivado en Deportes, Fútbol. Pode seguir as respostas a este artigo a traves deste canal RSS 2.0 . Comentarios e pings estan pechados.